هەکاتی وەرجە رویداو ژینا ئەمینی.. ئیران وە هوشداریکردن ژنەیل لە کەنین لەچگ دەس وە ساڵ نوو کەێد
ئاژانس "فارس" خەوەری ئیران، لە زوان وەرپرسیگ لە پولیس وت: دەسکردنە جیوەجیکردن گام نوو لە بەرنامەی نازر-١ لە گشت وڵاتەگە، و ئەو وەرپرسە ک ناو خوەی ئاشکرا نەکرد هویردەکاری زیاتر لەی باوەتە نەوت.
ئاژانس فارس وتیش: بەرنامەگە پەیوەندی وە باوەت لەچگ کەنین لەناو ماشینەیل دیرێد.
وەرجەیە خاوەن ماشینەیل هەرلە ساڵ ٢٠٢٢ پەیام لەبان مۆبایلیان هاتیاد هەنای پولیس لەناو ماشینیان پیشیلکاری ریسگای پڕتاڵ توومار بکردیاد، وەگورەی ئاژانس فەرەنسی.
ئی پەیامە نشان ئی پیشیلکاریە دیاد، و هوشداری لە ریکارەیل یاسایی و دادوەری دیاد ئەگەر دووارەی بکەێد، باوجی پولیس واز لە نوقڵانەی ئەو ریکارەیلە هاورد، وەگورەی ئەو پەیامەیل نووە ک لەبان سۆشیال میدیا بڵاو یان کردن.
پەیامە نووەیل تەنیا وتیان: بی لەچگی لەناو ماشیندان رەوانگە کریاگە، گرنگە ریز لە ریسگایل کۆمەڵایەتی بگرین و رکدار بوین ئی کارە دووارە نەکین.
