نيويۆرك 4 هه‌زار حاڵه‌ت مردن زيايه وه كۆرۆنا تۆمار كرد تره‌مپيش هه‌ڕه‌شه ئه‌كا
شه‌فه‌ق نيوز/ ده‌سڵاته‌يل شار نيويۆرك ئه‌مريكى، نزيكه‌ى 4 هه‌زار حاڵه‌ت تر مردن خستنه بان حاڵه‌ه‌يل و جه‌خت له‌وه‌يش كردن ك ئه‌وانه نه‌تواسنه وشكانن ئه‌رايان ئه‌نجام بگرێد له ڤايرۆس كۆرۆناى تازه و ده‌ركه‌فتگه ك سه‌رجه‌ميان تويش په‌تاگه بوينه.
له‌ى باوه‌ته‌و، ئداره‌ى ته‌ندروستى له شاره‌گه وت: 3778 كه‌س له‌وه‌ر تويشهاتنيان وه ڤايرۆسه‌گه گيان له‌ده‌سدانه، ك يه‌يش شماره‌ى زيايه‌گه و جه‌م حاڵه‌ته‌يل مردن ره‌سانه 6 589 كه‌س.
جى باسه، زويريش دۆناڵد تره‌مپ سه‌رۆك ئه‌مريكا تومه‌تبار ريكخرياگ ته‌ندروستى جه‌هانى كرد و قه‌وڵ گرتنه‌وه‌ر رێ وشوون يه‌كلاكه‌ره‌وه ده‌رهه‌قى دا و تومه‌تبارى وه ئه‌وه كرد كه‌مته‌رخه‌مه له ئه‌ركه‌يلى له‌باره‌ى روێ وه‌ڕوێ بوينه‌وه‌ى ڤايرۆس كۆرۆنا و هه‌ڕه‌شه‌ى ئه‌وه كرد ته‌مويل له‌و ريكخرياگه ته‌جميد بكريه‌ێد، چوينكه له‌يوا تاريفى كرد هه‌ڵه‌يل فريه‌يگ ئه‌نجام داگه‌و هووكار بويه له مردن هه‌زاران كه‌س.
