نوقمبوین دوو کەشتی دەیان کووچبەر هەڵگردنە وەرانوەر کەناراوەیل ئیتاڵیا
وەگورەی ئاژانسەیل نەتەوە یەکگرتگەیل، لە بەیاننامەیگ وتن: 64 کەس لە دەریای ناوڕاس بیسەروشوینن، و بەش فەریگیان رزگار کریانە دویای ئەوەی کەشتیەیل لە کەناراوەیل باشوور ئیتاڵیا نقوم بوین.
لە کەشتییگ جیاجیا، فریاگوزارەیل دەیان کەس گومانلیکریاگ کووچبەر چووڵکرد، بەڵام 10 تەرم پەیا کردن کە لە ژیر قەواسەی بەلەمیگ چووین لە دوورگەی بوبچگ لامپێدوسای ئیتاڵیا گیرهاتوێن، وەگورەی ریخریاگ فریاگوزاری ئەڵمانی "ريسكشيب".
ئاژانسەیل نەتەوە یەکگرتگەیل لە زوان رزگاربوبویل وتن کە کەشتییگ لە دویری نزیکەی ٢٠٠ کیلۆمەتر لە دەریای کالابریا نوقم بویە کە هەشت رووژ وەرجەیە لە تورکیاو چگە، بەڵام ئاگر گردیە و نوقم بوی.
پاسەوانی کەناراوەیل ئیتاڵیا لە بەیاننامەیگ ڕاگەیان، ئۆپەراسیۆن گەردین و ڕزگارکردن دویای پەیوەندییگ ناڕەحەتی لە بەلەمیگ فەرەنسییەو هاتگە کە لە ناوچەیگ سنووریی دەرچگە، کە یۆنان و ئیتاڵیا ئۆپەراسیۆن گەردین و ڕزگارکردن ئەنجامدانە.
ئاژانسەیل نەتەوە یەکگرتگەیل وتنیش کە ڕزگاربویەیل و ئەوانەگ لە دەریا بیسەروشوینین لە ئیران و سوریا و عراقەو هاتوێن.
ناوەند هەماهەنگی ڕزگارکردن دەریایی ئیتاڵیا وەکوتپڕ ئاراستەی دوو کەشتی بازرگانی لادا کە لە نزیک شوین ڕزگارکردنەگە چیان، و دەزگای پاسەوانی سنوور و کەناراوەیل ئەوروپا هاوکار بوی لە ئۆپەراسیۆنەگە.
رزگاربویەیل ئەرا بەندەر ڕۆسێلا جونیکا لە کالابریا و هاوڕیان و لە کەشتییەگە داوەزیان و دریانە دەس کارمەنەیل پزشک.
پاسەوانی کەناراوەیل راگەیان یەکیگ لە کووچبەرە ڕزگارکریایل دویای ماوەیگ کەم گیانی لەدەسداس.
لە دویەمین کەشتی نوقمبوین، تیم بەلەم ریخریاگ کەشتی فریاگوزاری ٦١ کەس لەناو کەشتییگ چووین پەیا کرد کە پڕ بویە لە ئاو.
ریخریایەگە راگەیان کە "تیمەگەمان توەنستیە ٥١ کەس درارێد کە دوو کەسیان بیهووش بوین".
وتیش: "ئەو دە کەسە کە مردوێن لە ژوور خوار ئەو کەشتییە بوین کە ئاو چگەسە ناوی".
