نه‌ته‌وه‌يل يه‌كگرتگ داواى وسانن جه‌نگ ئه‌كا له باشوور سوريا
2018-06-30T07:03:00+00:00
شه‌فه‌ق نيوز/ ئه‌نتۆنيۆ گه‌تيريش ئه‌ميندار گشتى نه‌ته‌وه‌يل يه‌كگرتگ، داوا له‌گشت لايه‌نه‌يل كرد كاره‌يل كوشتن و جه‌نگ له باشوور خوه‌رئاواى سوريا بووسننه‌و.
له‌ى باوه‌ته‌و، ده‌سه‌ى نه‌ته‌وه‌يل يه‌كگرتگ له به‌ياننامه‌يگ له‌بان ماڵه‌په‌ڕه‌گه‌ى ك شه‌فه‌ق نيوز ئاگادارى بوى، وت: ئه‌ميندار گشتى فريه نگه‌رانه له وه‌رانوه‌ر په‌لاماره‌يل سه‌ربازى له باشوور خوه‌رئاواى سورياو زيايبوين شماره‌ى قوربانيه‌يل له‌ناونى مه‌ردم و داواى وساننه‌وه‌ى گورج جه‌نگه‌يل ئه‌كا.
گۆتيريش داوايش له گشت لايه‌نه‌يل كرد حورمه‌ت برياره‌يل بگرن و پابه‌ند بوون وه ياساى ئنسانى ناوده‌وڵه‌تى و ريككه‌فتن گشتى 2017 له‌باره‌ى دامه‌زرانن ناوچه‌يگ دوير له گرژى له باشوور سوريا.
