نزیکەی ١٠ هەزار کوشیان و زەخمداری لەو زەویلەرزەی ویرانکەرە لە تورکیا و سوریا
وەڕیەوبەرایەتی کارەساتەیل و فریاکەفتن تورکیا وت: زەویلەرزەگە بویە هوکار کوشیان ١٠١٤ کەس و ٧٠٠٣ زەخمدار.
وتیش: ٢٨٢٤ بینا لە شار کەهرمان مەرعش رمیاگە.
دەسەڵاتەیل تورکیا داوا لە خەڵکەگە کردن لەناو ماڵە شەق بردگەیل بچنە دەیشت.
هەرلیوا، وەزارەت تەندروسی سەریا، راگەیان؛ شمارەی قوربانیەیل زەویلەرزەگە رەسیە ٤٠٣ کوشیان و ١٢٨٤ زەخمدار.
وەزارەت پەروەردەی سوریا پەکخستن دەوام مەکتەوەیل لە گشت پارێزگایل ئەرا گشت رووژەیل ئی هەفتە راگەیان.
وەزارەت ئەوقاف سوریا وت: هۆڵ و خزمەتگوزاری مزگەفتەیل لەو شوینەیلە ک زەرەد وەپیان رەسیە واز کریانە ئەراوپیشوازیکردن لە زەرەدمەنەیل زەویلەرزەگە، و گردەوکردن پویل و دەسمیەتی لە سەندوق مزگەفتەیل لە هەڵمەت دەسمیەتی نیشتمانی.
جۆ بایدن سەرۆک ئەمریکا لە لێدوانی لەبان زەویلەرزەگە وت: هەس وە خەفەت پویلیگ کەم لەوەر ئەو زەرەدەیلە لە گیانەیل و ئەو ویرانیە لە زەویلەرزەی تورکیا و سوریا، و فەرمان وە تیمەگەم دامە تا چەودیاری رەوشەگە لە نزیکەوە بکەێد، وە هەماهەنگی وەگەرد تورکیا و پیشکەشکردن هەر دەسمیەتییگ خوازیاگ.
لەلای خوەییش؛ وەزیر دەرەوەی بەریتانیا وت: ئەوەسا پاڵپشتیکردن کوتپڕی ئەرا تورکیا کل کەیمن، ٧٦ تیم پسپۆڕ وە مینەکردن و رزگارکردن هاناوی.
هەرلیوا، وەزارەت دەرەوەی قەتەر وت: پیەڵیگ ئاسمانی لە قەتەر وەرەو تورکیا دروس کردیمنە، ئەرا دەسمیەتی لە کارەسات زەویلەرزەگە.
میدیایل راگەیانن یابان وتن: تۆکیۆ ٧٥ ئەندام لە تیم رزگارکردن یابانی لە پشت زەویلەرزەگە ئەرا تورکیا کل کەێد.
