نرخ نه‌فت له بازاڕه‌يل جه‌هان روێ له به‌رزه‌وبوين كرد
2018-07-11T10:17:00+00:00
شه‌فه‌ق نيوز/ نرخ نه‌فت له بازاڕه‌يل جه‌هان به‌رزه‌وبوينيگ گه‌ورا تۆمار كرد، ئه‌ويش وه بوونه‌ى كه‌مبوينه‌وه‌ى به‌رهه‌م ليبياو چه‌ن وڵاتيگ تر.
وه گووره‌ى ئاژانسه‌يل هه‌واڵ ئه‌وه ده‌ركه‌فت ك نرخ نه‌فت برنت جه‌هانى له دويا مامڵه‌يل ئمڕوو 79 سه‌نت به‌رزه‌و بويه‌و هه‌ر به‌رميليگى وه 78.86 دۆلار مامڵه وه‌پيه‌و كرياگه‌و پيشبينى ئه‌وه‌يش ئه‌كريه‌ێد نرخه‌گه‌ى زياتر به‌رزه‌و بدێ.
جى باسه، نرخ نه‌فت په‌يمانه‌يى ئه‌مريكايش ك نه‌فت سووك رۆژئاواى تكساس ئه‌و وڵاته‌سه، هه‌ر به‌رميليگى وه 74.11 دۆلار مامڵه وه‌پيه‌و كريا، ئه‌ويش دوياى ئه‌وه‌گ نرخه‌گه‌ى 26 سه‌نت به‌رزه‌و بويه.
