نرخ نه‌فت زياتر له 20 له‌سه‌د داوه‌زێ
شه‌فه‌ق نيوز/ نرخه‌يل ريككه‌فتن نه‌فتى ئاجل زياتر له 20 له‌سه‌د داوه‌زى و روێ له كه‌مترين ئاست كرد و يه‌يش يه‌كه‌مين جاره له 2016ه‌وه تائيسه، ئه‌ويش دوياى ئه‌وه‌گ سعوديه نرخ فه‌رميى فرووشتن نه‌فت خام داوه‌زان و ئاماژه وه يه‌يش ئه‌كريه‌ێد ك سه‌ره‌تاى جه‌نگ نرخه‌يله دواى شكه‌ست گفتگووه‌يل ناونى ئۆپيك و روسيا.
يه‌يش له‌وه‌ختيگه روسيا پيشنياز ئۆپيك ره‌ته‌و كرد وه‌رانوه‌ر داوه‌زانن گه‌ورايگ له به‌رهه‌مهاوردن له‌وه‌ر خاتر جيگيربوين نرخه‌يل ك زه‌ره‌دمه‌نه له‌ئه‌نجام په‌يابوين ڤايرۆس كۆرۆنا و يه‌يش له‌يوا كرد ئۆپيك ريككه‌فتنه‌يلى له‌باره‌ى به‌رهه‌مه‌يلى له نه‌فت هه‌ڵوه‌شنيده‌و.
جى باسه، وه‌و خاتريشه نرخه‌يل ئاجل خام برێنت 9.57 دۆلار يا 21.1 له‌سه‌د داوه‌زێ و هه‌ر به‌رميليگى ره‌سيه 35،70 و نرخ نه‌فت خام ئه‌مريكى خوه‌ئاواى تكساسيش 8.62 دۆلار يا 20.9 له‌سه‌د داوه‌زى و هه‌ر به‌رميليگى ره‌سيه 32،66 دۆلار.
