نرخ نه‌فت روێ له به‌رزه‌وبوين كرد
2018-03-24T10:58:00+00:00
شه‌فه‌ق نيوز/ دويه‌شه‌و ديره‌وه‌ختيگ نرخ نه‌فت وه زياتر له 2% به‌رزه‌و بوى، وه‌يه‌يش به‌رزترين ئاسته‌يلێ تۆمار كرد له كووتايه‌يل كانوون دويه‌م تائيسه له‌شوون جه‌ختكردن سعوديه له‌باره‌ى مه‌ندنه‌وه‌ى داوه‌زانن ده‌سميه‌ته‌يل له 2019و زيايبوين نگه‌رانى له‌باره‌ى ئاينده‌ى هه‌نارده‌ى نه‌فت خام ئيران.
نرخ ريككه‌فتنه‌يل نه‌فت خام جه‌هانى تيكه‌ڵ وه برنت وه بڕ 1.54 دۆلار به‌رزه‌و بوى ك ئه‌كاده 2.2% و نرخ هه‌ر به‌رميليگى ره‌سيه 70.45 دۆلار.
جى باسه، نرخ نه‌فت خام ئه‌مريكى خوه‌رئاواى تكساسيش به‌رزترين ده‌سكه‌فت تۆمار كرد له ته‌مووز گوزه‌يشته‌و تائيسه وه 5.5%، ئه‌ويش هه‌ر به‌رميليگى ره‌سيه 65.88 دۆلار.
