نرخ نەفت داوەزیا لەوەر ئەگەرەیل رێککەفتن لەبان کۆتایهاوردن وە جەنگ ئیسرائیل و لوبنان

شەفەق نیوز/ ئمڕوو سێشەممە، نرخ نەفت لە سەرەتای مامەڵەیل داوەزیان، یەیش درویژەدا وە ئەو داوەزیانە لە خول وەرین توومارکریا، لەوەختیگ وەبەرهێنەرەیل مەزەنە ئەرا ئاگربەست ناوەین ئیسرائیل و لوبنان کردن، کە کاریگەری وەبان نرخ رخداری لە نەفت داشت.

نرخ نەوفت خام برێنت وەڕێژەی 28 سەنت داوەزیا، هاوتایە وەرد 0.38%، رەسیە 72.73 دۆلار ئەرا   هەر بەرمیلیگ لە ساعەت 01:06 وەگشتی، هاوکات نرخ نەفت خام خوەرئاوای تەکساس ئەمریکیش  68.62 دۆلار ئەرا هەر بەرمیلیگ داوەزیا، کە کەێدە 32 سەنت یا 0.46%.

مەزەنەکارەیل بانک ANZ ئوشن؛ "ئاگربەست لە لوبنان ئەگەر چەسپانن سزای تون ئیداری ئایندەی ئەمریکا وەبان نەفت خام ئیران کەمەوکەێد".

راگەیاندنە، هاتێ هەناردەیل ئیران وە رێژەی یەک ملیۆن  بەرمیل لە رووژیگ کەمەوبوود، ئەگەر ئیدارەی دۆناڵد ترامپ سەرۆک هەڵوژێریاگ ئەمریکا گلەوبخوەد ئەرا ئەو هەڵمەتە فشارە فرەیە وەبان تەهران، یەیش بوودە مدوو کەمەوبوین رێژەی نەفت خام لە جەهان.