ناوه‌نديگ باس له تويشهاتن ده‌يان كه‌س وه كۆرۆنا له ئه‌مريكا ئه‌كا
2020-02-29T10:21:20+00:00
شه‌فه‌ق نيوز/ ناوه‌ند كۆنترۆڵكردن نه‌خوه‌شيه‌يل و مقه‌يه‌تيكردن له‌لى له وڵاته‌يل يه‌كگرتگ، باس له‌وه كرد شماره‌ى حاڵه‌ته‌يل تويشهاتن وه ڤايرۆس كۆرۆنا له وڵاته‌گه ره‌سيه‌سه 62 حاڵه‌ت، له‌ليانيش هه‌ن گه‌شت وه‌ره‌و ده‌يشت وڵاته‌گه نه‌كردنه.
ئه‌و ناوه‌نده ئاگادارى له‌بان 34 حاڵه‌ت وه‌و ڤايرۆسه كرد، 11 له‌ليان نه‌خوه‌ش بوينه‌و له ده‌يشت وڵاته‌گه‌وه گله‌و خواردنه‌و له دو حاڵه‌تيش ڤايرۆسه‌گه له كه‌سيگ تره‌و جيواز بوينه‌و بيجگه ئه‌وه‌يش 21 كه‌سيش له‌لايه‌ن وه‌زاره‌ت خارجيه‌وه راده‌س كريانه: 3 له‌ليان له شار وۆهان چينى و 18يش له كه‌شتيى دايمۆند برينسيس له يابان.
جى باسه، وه‌گووره‌ى ئامار ناوه‌نده‌گه، له جه‌م 62 تويشهاتگ، 12 له‌ليان زويتر له ده‌يشت وڵاته‌و گله‌و خواردنه ئه‌را وڵاته‌يل يه‌كگرتگ.
