ناسا هوشداری دەێد لە نیمچە ئەسارەی گەپیگ هاتێ لەی مانگە بەێد لە زەوی
2023-08-09T06:54:22+00:00
شەفەق نیوز/ ناوەند تویژینەوەی چشتە نزیکەیل لە زەوی لە ئاژانس ئاسمانی ئەمریکا "ناسا" هوشداری لە نزیکەوبوین نیمچە ئەسارەیگ دا کە نزیک لە زەویەو بوود و هاتێ رخیگ لەبان زەوی بیاشتوود.
وەگورەی بەیاننامەیل ناوەندەگە، مەزەنە کریەێد ئەو نیمچە ئەسارە وەناو 6037 (1988 EG) ئەرا مەودای 6.1 ملیۆن کێلومەتر لە رووژ 23 ئاب لە ساعەت 8:18 شەوەکی وەوەخت گرینیتش بکەفێدە نزیک زەوی.
پانی ئەو نیمچە ئەسارە ها ناوەین 430 و 960 مەتر، و تونیەگەی رەسێدە 14.3 کم/ چرکە.
جی باسە کە هەر چشتیگ تا مەودای کەمتر لە 7.5 ملیۆن کێلومەتر باێدە نزیک زەوی وە رخبەر دریەێدە قەڵەم.
