ناسا دەسکەێدە ئەرک مقەیەتیکردن زەۊی
ەفەق نیوز/ ئاژانس ئاسمانی ئەمریكی "ناسا" شەو سێشەممە لەبان چوارشەممە، کەشتییگ لە ویلایەت کالیفۆرنیا وەرەو ئاسمان وەشان، لە ئەرکیگ تاقیکردن ئەرا ئاڵشتکردن ری نیمچە هەسارەیگ، لەبگامیگ ئەرا یەکەم سیستەم وەرگری مرۆیی دژوە هەسارەیل ئاسمان ک دەنە زەۊی.
کەشتیە ئاسمانیەگە ک ناسا ناو "دارت" بڕیە باڵای لە کامپ ئاسمانی فاندنبرگ وەشان. "ناسا" پارچە ڤیدیۆییگ بڵاو کرد ئەو مووشەکە نشان دەێد ک کەشتیەگە هەڵگرێد، و وەگەرد ڤیدیۆگە نۊسان؛ نیمچە هەسارەی (Dimorphos) ئەراد هاتیمن.
"دارت" لە کووڵ مووشەکیگ لە چین "فالكون9" سەروە کۆمپانیای "سبيس ئێکس" وەشیا. کەشتیە ئاسمانیەگە هالە تاقیکردنیگ لە سەرەتای ٢٠٢٢ هەنای رەسێدە شۊن خوەی، تا بەێدە نیمچە هەسارەیگ لەنزیک زەۊی.
تووڕ سی ئێن ئێن ئەمریکی باس کرد ک ئەرکەگە خوازێد بەێدە (Dimorphos) ک خوەی مانگ بۊیچکیگە لەدەور زەۊی گڕ خوەێد، و فرەیش لە زەۊی دۊیر نییە. و ئی ئەرکە بوودە یەکەم ئاڵشتکردن دینامیک سیستەم خوەری لەلایەن ئایم.
