کۆڕۆنا رەسێدە کۆشک چەرمگ
2021-11-01T07:34:28+00:00
شەفەق نيوز/ خانمە قسەکەر وەناو کۆشک چەرمگ، جین بساکی، راگەیان تۊشهاتنی وە ڤایرۆس کۆڤید-١٩، وتیش؛ لە جوارشەوممەی گوزەیشتەو پەیوەندی راستەوخۆ وەگەرد سەرۆک ئەمریکی جۆ بایدن نەیاشتەگە.
بساکی لە بەیاننامەیگ لە کۆشک چەرمگ وت: لە رووژ چوارشەممەی گوزەیشتە بڕیار دا وەگەرد گەردین دەشتەکی سەرۆک ئەمریکی ئەرا ئامادەبۊین لە لووتکەی کەشوهەوا کەشت نەکەێد، ئەوەیش لەوەر کاریگ خیزانی، لە ئەنجام چەسیان تۊشهاتن خیزانەگەی وە ڤایرۆس کۆڕۆنا.
قسەکەر وەناو کۆشک چەرمگ وتیش؛ لەو وەختەو کەرەنتین تەندروسی خوەی کردگە، و رووژەیل چوارشەممە و پەنجشەممە و جمعە و شەممە تاقی کردیەسەو، و ئەنجامەگەی بی ڤایرۆس دەرچگە، باوجی دۊیەکە یەکشەممە وە ڤایرۆسدار دەرچگ، وتیش بیماریەگەی سووکە، و ئەوەسا لەماڵەو کار کەێد.
