کۆڕۆنای جهان.. ١٥٢ مەلیۆن تووشهاتن و ٣،٢ مەلیۆن مردن

شەفەق نیوز/ ڤایڕۆس کۆڕۆنا تا ئیسە گیان ٣،٢ مەلیۆن کەس دەرەو کردگە، و بڕ تووشهاتتەیل لە ١٥2 مەلیۆن کەس رەد کرد.

ئەمریکا ک هالە نوای لیست زەرەدمترین دەوڵەتەیل لەوەر بڵاوبوین پەتاگە، زیاتر لە ٥٧٧ مردن تۆمار کرد، و بڕ تووشهاتنەیلی رەسیە ٣٢،٤ مەلیۆن.

بەڕازیل لە پلەی دوویەم هات  وە شمارەی مردنەیل ک ڤایرۆسەگە گیان نزیکەی ٤٠٨ هەزار کەس سەن، و توەشهاتنەیلی لە ١٤،٧ مەلیۆن رەد کرد.

مەکسیک کەفتە پلەی سێیەم وەزیاتر لە ٢١٧ هەزار مردن لەوەر پەتاگە، و تووشهاتنەیلی لە دوو مەلیۆن و ٣٤٨ هەزار رەد کردن، ئیجا وڵات هیند تیەێد ک پەتاگە گیان نزیکەی ٢١٦ هەزار کەس لەناوی دەرەو کرد و بڕ تووشهاتنەیلی رەسیە ١٩،٥ مەلیۆن.

پلەی پەنجەم بەش بەریتانا بوی، زەرەدمەنترین دەوڵەتەیل یەکێتی ئەوروپا، ک بڕ مردنەیلی لە ١٢٧ هەزار رەد کرد، و تووشهاتتەیلی رەسینە زیاتر لە ٤،٤ مەلیۆن، و ئیتالیا لە پشتی لە پلەی شەشەم تیەێد ک نزیکەی ١٢٢ کەسی لەوەر پەتاگە مردت، و بڕ تووشهاتنەیلی لە ٤ مەلیۆن رەد کرد.

رووسیا کەفتە پلەی هەفتەم، وە نزیکەی ١١١ هەزار مردن، و زیاتر لە ٤،٧ مەلیۆن تووش هاتن.

فەڕەنسا لە پلەی هەشتەم هات، م پەتاگە گیان زیاتر لە ١٠٥ هەزار کەس دەرەو کرد، و بڕ تووشهاتنەیلی لە ٥،٧ مەلیۆن رەد کرد.

ئەڵمانیا کەفتە پلەی نۆەم وە زیاتر لە ٨،٣ مردن و ٣،٤ تووشهاتن، ئیجا ئیسپانیا لە پلەی دەهەم هات وە زیاتر لە ٧٨ مردن و ٣،٥ مەلیۆن تووشهاتن