کۆڕۆنا گیان ٤،٢ مەلیۆن کەس لە جهان رفانیە
شەفەق نیوز/ شمارەی تووشهاتنەیل وە ڤایڕۆس کۆڕۆنا لە جهان رەسیە زیاتر لە ١٩٥ مەلیۆن تووشهاتن، لەلیان نزیکەی ٤،٢ مەلیۆن مردنە.
وەگورەی ئامار ناوەند رەوانگە لە زانکۆی هۆبنکیز، شمارەی تووشهاتنەیل پەتای کۆڤید-١٩ لە گشت جهان رەسیە ١٩٥،٢٨٦،٠٤٢ .
وەگورەی رەوانگەگە، شمارەی مردنەیل لەوەر پەتاگە رەسیە ٤،١٧٦،٨٨٦ .
واکسینەیل دژوە ڤایڕۆس کۆڕۆنا لە جهان رەسیە ٣،٩٢٤،٣٣٧،٤٦٠ مەلیۆن کەس.
وئی شمارە ئەوە نییە ک مەردمەگە دوو تاقەبەش لە واکسینەگە وەرگردنە، بەڵکم کەسەیلیگ هەس تەنیا یەک تاقەبەش وەرگردنە، و کەسەیلیگ تر هەس چوار تاقەبەش وەرگردنە.
وەیەوە تێتوێتنیمن ئەوە بویشیمن ک جهان نزیکە بڕەسێدە وەرگری کۆمەڵی، چوینکە ئەوە واکسینکردن نزیکەی ٧٠٪ لە خەڵکەگە خوازێد.
وەگورەی رۆیتەرز، تووشهاتنەیل ڤایڕۆسەگە لە زیاتر لە ٢١٠ دەوڵەت و ناوچە تۆمار کریا، و یەکەمین تووشهاتن لە شار ووهان لە وڵات چین بوی لە ساڵ ٢٠١٩.
