چین ناو ئیسرائیل لەناو نەخشەی ئۆنلاین پاکەوکەێد
2023-10-31T08:03:02+00:00
شەفەق نیوز/ لەدویای جەنگ و دەرگیریەیل ئیسرائیل و غەزە وڵات چین بڕیاردا وە لاوردن ناو ئیسرائیل لەبان نەخشەیل ئۆنلاین.
رووژنامەی وۆل ستریت جۆرناڵ ئەمریکی راگەیانیە، وەگەرد ئەوزەڵکردن جەنگەگەی ناوەین فەلەستین و ئیسرائیل، چەن کۆمپانیایگ دیجیتاڵی چینی ئۆنلاین جویر بایدۆ و عەلی بابا ناو ئیسرائیل لە سیستمەگەیان لاوردنە.
دیاریکرد، هەر یەک لە ولاتەیل هاوسای جویر میسڕ و ئۆردن ناویان هەس باوجی ناو ئیسرائیل وە دیار نیەکەفێد.
