چەنی مۆبابل کاریگەری لەبان مەغز ئایەم دیرێد؟.. تۆژینەوەیگ مزگانی خاسیگ دەێد
![چەنی مۆبابل کاریگەری لەبان مەغز ئایەم دیرێد؟.. تۆژینەوەیگ مزگانی خاسیگ دەێد](https://media.shafaq.com/media/arcella/1606904289395.jpg)
2020-12-02T10:22:34+00:00
شەفەق نیوز/ دویای چەن ساڵیگ لە هووشداری کردن و رینما وەردەوامەگان، تۆێژینەوەی نوویگ ئاشکرا کەێد ک هیچ پەیوەندییگ لەناوبەین وەکارهاوردن مۆبایل و تەندروسی مەغز وەکاهاورەیلی نییە.
زانایلیگ لە زانکۆەیل لانکستەر و باس و لینکوڵن بەریتانی، لەو تۆێژینەوە ک ئەنجامەگانی لە گۆڤار «تەکنەلۆژیا, مەغز، رەفتار» بڵاو کریا، رەسین ئەرا ئەوە ک ئەو وەختەگ وەکارهورەگان لەبان مۆبابلیان گوزران کەن، پەیوەندی وە تەندروسی مەغز نەیرێد.
لە لێداونیگ لەبان ئەنجامەیل تۆێژینەوەگە، هیدەر شۆ لە بەش زانست دەروونی لە زانکۆی لانکستەر وت: هیچ پەیوەندییگ لەناوبەین وەکارهاوردن مۆبایل و کاریگەریەیلیگ دەروونی جوور نیگەرانی و دڵتەنگی و شیواشیو نەیمنەو، ک ئەوانەگ کەفتنە تاقیکردنەوەگان و ئەو کاریگەریەیلە لەلایان پەیا بوی مۆبابلیان لەواکان فرەتر وەکار نەهاوردن.
لەجیای ئەوە، تۆێژینەوەگان نووڕستن ک تەندروسی مەغز پەیوەندی وەو مەترسیەیلە دیرێد ک بەشدارەیل لە تاقیکردنەوەگان دەربارەی وەکارهاوردن مۆبایلەگانیان هەست وەپی کەن.