ژنیگ لەژیر رمیاگ بینایگ لە وڵات میسر تەلەفۆن کەێد تا رزگاری بکەن
2023-01-09T08:12:32+00:00
شەفەق نیوز/ شەش کەس لەلای کەمەو، وە رمیان بینایگ لە پارێزگای ئەسیوت باشوور وڵات میسر، دویەکە یەکشەممە، گیانیان لەدەسدانە، و ژنیگ لە ژیر رمیاگ بیناگە تەلەفۆن یەکیگ لە کەسوکارەیلی کرد و رزگاری کریا.
عیسام سەعەد پارێزگار ئەسیوت وت: تیمەیل رزگارکردن ٤ تەرم لەژیر رمیاگ ئەو بینای پەنج قاتیە لە گەڕەک قلتە لە شار ئەسیوت دراوردن.
بەیاننامەگە وتیش: تیمەیل هەمیش دوو زەخمدار دراوردن و بریانە خەسەخانە، و دویای ئەوە ژنیگیش لە ژێر رمیایەگە رزگار کریا.
تا وەخت دیریگ لە دویەشەو، تیمەیل رزگارکردن لە مینەی کەسەیل ژیر رمیایەگە بوین چ وەزنی یا وە مردگی بوون.
لە مەوقەی مینەکردن و هەڵگردن دیوار و قەواسە رمیاگەیل، پەیوەندییگ تەلەفۆنی وەلایەن ژنیگ لەژیر ئەو رمیاگە ئەرا کابرایگ کەسوکاری هات، و ئەویش ئاگادار تیمەیل رزگارکردن کرد، تا توەنستن وەگەردی قسە بکەن، و شوینەگەی بکەنە دی.
پارێزگار ئەسیوت وت: دویەتیگ و کەیوانوویگ لە ژیر رمیایەگە رزگار کریان.
