نەفت بەسرە و کوردستان لەجیای نەفت ئۆڕال رووسیا

شەفەق نیوز/ دویاترین بسینەیل ئەوروپا لەوانەگ مینەی خام تورشی لەجیای تیکڵای رووسی کەن تا گریەبەسیەیلیان وەجی بارن و بەرهەم باڵاوەیل نەفتی ئەوروپا مسۆگەر بکەن، دویای  قەیەغەی یەکێتی  ئەوروپا ک لە پەنج کانوون یەکەم ئایندە کەفێدە ئاست جیوەجیکردن.

سایت S&P Global Platts  لەزوانی یەکیگ لە بازرگانەیل وت: تیکڵای خام (CPC كازاخستانی) داوای فرەیگ لەبانی بوی چوینکە پلەگەی کاڵە و وەئاسانی وەرد خامەیل تورش تیکڵا بوود، ئەرا بەرهەمکردن جینشین ئۆڕاڵ رووسی، و دیاری کرد ک CPC Blend  و (Basrah Medium ) بەسرەی عراقی سەننە، تا تێکڵایگ وەشیوەی خام ڕووسی دروس بکەن.

بازرگانەگە وتیش: ئیرنگە هەمیش تاقی خام تیکڵای کوردی و تیکڵای CPC  کەن جویر جیگریگ ئەرا ئۆڕال.

یەکیگ لە بازرگانەیل وتیش: ژنەفتیە ک خام ناوڕاس بەسرە لە مانگ گوزەشتە زیاتر وەرەو ئەوروپا تەکان دەێد، وتیش: جیگر خاسیگە لە کوێەیل ئۆڕال.