ژنیگ ئەرجەنتینی وەبی دەرمان ڤایرۆس ئایدز لەناو دەێد

شەفەق نیوز/ ژنیگ ئەرجەنتینی،  تۊێنست شکست وە ڤایرۆس ئایدز بارێد، و دیارە ئی ژنە وەبی دەرمان و چارەسەری لەی ڤایرۆسە قورتار بۊی،  و یەیش دۊیەم کەسە لەی جۊرە ک لە جەهان توومار کریاگە.       

پزشکەیلە مەزەنە کرلەن ک ئامێر وەرخودان لەلای خانمە بیمارەگە هەر خوەی شکست وە ڤایرۆسەگە هاوردگە، و یەکجار لەلی قورتار بۊیە.             

ئەو تاقیکردنەوەیلە ک لەبان زیاتر لە یەک ملیار خانە لە لەش ژنەگە کریا، ئاشکرا کردن ک هۊیچ ڤایرۆسیگ لەلەشی نەمەنیە.    

پسپۆڕەیلە ئۊیشن؛ شایەت ئەگەر سوود لەی کارە گردیمن، شیوەیگ ئەرا لەناوبردن ڤایرۆسەگە پەیا بکەیمن.    

یەیشە بەڵگەیگە ک کەمیگ لە مەردمەگە وە توانای سرووشتی ئەرا رەفتارکردن وەرد ڤایرۆس ئایدز پەیا بوون.