چین پەرە وە کۆمپیوتەريگ تیەرێد ١٨٠ ملیۆن گلە لە کۆمپیوتەرەیل جەهان زیاترە
2023-06-10T07:24:27+00:00
شەفەق نیوز/ زانایل چینی راگەیانن: رەسینە شۆڕشیگ لە زانستی کوانتەم کۆمپیوتەر، وە پەرەپیدانی کۆمپیوتەر کوانتەمی جیوژانگ، ک توەنێد ئەرک هەژمار جویر ئەوانە ئەنجام بیەێد ک لە زیرەکی دەسکرد وەکار تیەرن، بەڵام وە زویکردنیگ ١٨٠ ملیۆن گلە خیراترە لە وەهازترین کۆمپیوتەر لە جەهان.
توێژەرەیل ئویشن ئەو ئەرکە هەژمارانە ک کۆمپیوتەر کوانتەمی جیوژانگ بەجەری کەێد بریتین لە کانگا و داتا ماین، زانیاری بایۆلۆژی، شیکاری تووڕ و توێژینەوەی مۆدێلکردن کیمیایی.
تیم لێکۆڵینەوەگە وە سەرۆکایەتی پان جیانوێی زانای فیزیا لە زانکۆی زانست و تەکنەلۆجیای چین ک وە "باوگ کوانتەم" ناسریاگە لەو وڵاتە، توێژینەوەگەیان لە گۆڤار "فیزیکاڵ ریڤیو لێتەرز" بڵاو کردن.
تیم توێژینەوەکە وت: "کارەیلمان گامیگە وەرەو چارەسەرکردن گیچەڵ راستەقینەیل کۆمپیوتەر، وە وەکارهاوردن کۆمپیوتەرە کوانتەمییەیل قەوارە ناوڕاس ئیسە ".
پان وتیش: لە سەردەم داتا گەورەیل، بڕ داتا جیهانییەیل وە شیوەیگ رزبەندی زیای کەێد، هەر دوو ساڵ جاریگ دوو ئەوەنە زیای کەێد.
