چینە تا مەردم رزگار بکەن وەمردگی هاتنەو.. کوشیان ٤ کەس لە تیمیگ یۆنانی لە لیبیا
2023-09-18T05:51:59+00:00
شەفەق نیوز/ چوار کەس لە تیم رزگارکردن یۆنانی، دویای رەسینیان ئەرا لیبیا تا لە کارەیل مینەکردن و رزگارکردن کەسەیلیگ لە لافاوە مەرگبارەیل بەشداری بکەن، وەرویداویگ هاتوچو گیانیان لەدەس دان.
عوسمان عەبدولجەلیل وەزیر تەندروسی لە خوەرھەڵات لیبیا لە کۆنگرەیگ رووژنامەوانی لە شار درنە وت: رویداوەگە لە مەوقەیگ کەفت کە تیم یۆنانی لە بان ری بوی لە بنغازی وەرەو درنە کە تویش لافاوە مەرگبارەگە هات.
وتیش؛ ماشین تیم یۆنانی کەفتە رویداویگ هاتوچو وەگەرد ماشینیگ ترەک خیزانیگ لیبی لەناوی بویە، و سێیان لەو خیزانە کوشیان و دووانیش زەخمدار بوین.
وەزیرەگە دیاری کرد کە تیمەگە ١٩ کەس بویە، چوار لەلیان کوشیا و ١٥یش زەخمدار بوین، هەفتیان زەخمییان سەختە.
لە ئەسینا، سوپای یۆنانی لە بەیاننامەیگ وت: کەسەیلیگ لە تیم رزگارکردن یۆنانی وە رویداویگ هاتوچو لە لیبیا کوشیانە.
