نەتەوە یەکگرتگەیل هوشداری لە داڕمیان کەشوهەوا دەێد
لە بەیاننامەیگ کە ئاژانس هەواڵی ئەڵمانیا بڵاوی کردیە، گۆتێرێس وت: "هەسارەگەمان وەرز کوڵیان وەخوەی دیە، ئی تاوسانە گەرمترین وەرزە کە توومار کریایە، خراوبوین کەشوهەوا دەسوەپی کرد".
وتیش: "زانایل چەنای چەنیگ هوشداری دامە لەوەی چاشیان وە سووتەمەنی بەردینی چە لەلی کوفێدەو. بەرزەبوین پلەی گەرمی گامیگ زویتر خوازێد، ئیرنگە بایەسە سەرکردەیل زویوەزی گام بنەن ئەرا پەیاکردن چارەسەر گیچەڵ کەشوهەوا. هیمان توەنیمن خوەمان لە بەدترین شیواشیو کەشوهەوا دویر بگریمن، و وەختیش نییە تا گومی بکەیمن".
لای خوەیەو سامانتا بێرگێس، خانمە جیگر وەڕێوەبەر خزمەتگوزاری کۆپەرنیکۆس ئەرا ئاڵشتبوین کەشوهەوا راگەیان: پلەیل گەرمای جەهان لە ساڵ 2023 وەردەوامن لە تێکچوون، چوینکە مانگ ئاب گوزەشتە گەرمترین بوی دویای ئەوە کە مانگ تەمموز و حوزەیران گەرمترین بوین".
ناوڕاس پلەی گەرمی لە مانگەیل حوزەیران و ئاب ١٦.٧٧ پلە بوی، کە ٠.٦٦ پلە لە بان ناوڕاس پلەی گەرمیە، و وە شیوەیگ وەرچەو بەرزترە لە شمارەی پەیمانەیی وەرین کە لە ساڵ ٢٠١٩ توومار کریایوێد کە ١٦.٤٨ پلە بویە.
