نەتەوە یەکگرتگەیل: ئی هەشت ساڵ دویایینە گەرمترین بوی
شەفەق نیوز/ راپۆرتیگ نەتەوەیی، ئمڕوو یەکشەممە، ئاشکرای ئەو بەرزەوبوین زویە لە گەرمی جەهانی کرد، ک ئەگەر مەزەنەیل ساڵ ٢٠٢٢ چەسپیا، ئی هەشت ساڵ دویاییە بوودە گەرمترین ساڵەیل وەرجە ساڵ ٢٠١٥.
ریخریاگ ناودەوڵەتی کەشوهەوا، وەگەرد وازکردن کۆنفرانس کەشوهەوای "کۆپ ٢٧" لە پارچە ڤیدیۆیگ لە شەرم شێخ میسر بڵاو کریا وت: زوی بەرزەوبوین ئاست ئاوە دەریایل و تاویان چەمە یەخیەل و وارانەیل رفت و شەپوولەیل گەرمی و کارەساتە مەرگبارەیل هەس.
گەرمی زەوی زیاتر لە ١،١ پلەی سیلیزی لە کۆتایی سەدەی نۆزدە تا ئیسە بەرزەو بویە، ٢ نیمەی ئی گەرمی لە سی ساڵ گوزەشتە توومار کریا.
لە ساڵ ٢٠٢٢ ن،یلە بوودە پەنجەمین یا شەشەمین گەرمترین ساڵ هەرچەن سیمای (نینیا) لە ساڵ ٢٠٢٠ دەسوەپی کردیە، ک ئەو سیما لە زەریای ئارام هیلێد گەرمی کەمەو بوود.
پیتیری تالاس وەڕیەوبەر ریخریاگ ناودەوڵەتی ئەرا رەوانگەی کەشوهەوا وت: هەرچەنی گەرمی بەرز بوی، ئەوەنە کاریگەریی بەد بوود.
لە وەختیگ بان ئەو زەریایلە ک ٩٠% لە گەرمی کەڵەکەبوی لە کار وکردار ئایا هەڵمژێد، ئاستەی ئاستەیلیگ پەیمانەیی لە ساڵ ٢٠٢١ توومار کریا، و گەرمیەگەی لەی بیس ساڵ دویایینە وەزوی بەرزەو بوی.
