نەتەوە یەکگرتگەیل: ٩٠ لەسەد مەردم سوریا وە نەداری ژیەن

شەفەق نیوز/ لە کۆتایی مانگ گوزەشتە ئەنتۆنیۆ گۆتێرێش ڕاپۆرتیگ لەباوەت رەوش سوریا پێشکەش ئەنجومەن ئاسایش کرد و داوای درۊژگردن هەناردەی هاوکارییەیل لەڕی دەروازە سنوورییەیلە کرد، ئەنجومەن ئاسایش لە 11ی ئی مانگە بڕیار درۊژکردن ماوەگەی دا. 

وەگورەی ڕاپۆرت نەتەوە یەکگرتگەیل، ئامار رخبەریگ لەباوەت سوریا بڵاوکریاگە و باس لەوەکەێد، 90% مەردم سوریا نەدارن و زیاتر لە 60%یان رۊیوەرۊی گرفت لە ئاسایش خوەراکی بوون، 7.78 ملیۆن کەس گرفت دابینکردن پزیشک و پێداویستییەیل پزیشکی دێرن. 

ئامارەیل نەتەوە یەکگرتگەیل ئاشکەراکردنە، لە جەم 22 ملیۆن هاوڵاتی سوری، نۆ ملیۆن لەلیان لە دەێشت کۆنترۆڵ ژیر دەسەڵات ڕژێم سوریان، لەو شمارە 5.6 ملیۆنیان  هاوکاریی مرۆیی خوازن.  گۆتێرێش ئاشکەرا کرد، ئەو ئامار و داتایەیلە هاوەردەسیان و پشت وە ئامارەیل نەتەوە یەکگرتگەیل بەسانە، داتا و زانیارییەیلە ئاژانسەیل مرۆیی، لایەنە هاوبەشەیل نەتەوە یەکگرتگەیل و ئەو چەو وەپیکەفتنەیلە لە سوریا ئەنجامدریانە. 

راپۆرتەگەی نەتەوە یەکگرتگەیل باس لەوە کەێد زەرەردەیل ئابوریی سوریا لە ماوەی جەنگ زیاترە لە 442 ملیار دۆلار، بەش فرەیگیش چوودەو ئەرا لەدەسدان توانای بەرهەمهاوردن ناوخوەیی، ک رەسێدە 54% جەم  بەرهەم هاورد وە بەراورد وە ساڵ 2010. 

راپۆرتەگە باس لەوە کەێد، زیاتر 90% خێزانە سورییەیلە پشت وە ئەو پۊلەیلە بەسن ک لە دەرەوەی وڵات ئەرایان رەوانە کرێد.