ژەنیڕاڵیگ ئەمریکی مەوقەی دەسکردن جەنگ وەگەرد وڵات چین دیاری کەێد
2023-01-28T06:28:30+00:00
شەفەق نیوز/ ژەنیڕاڵیگ ئەمریکی مەزەنە کرد وڵاتەگەی لە ساڵ ٢٠٢٥ دەس بکەێد وە جەنگ وەگەرد وڵات چین، ئەوەیش لەبان تایوان بوود، و هوشداری لە مەترسیەیل بەرزیگ لەو جەنگە کرد، و گاڵ ئەندامەیلی دا ک هەر لەی ساڵەو ئامادەی خوەیان ئەرا ئەو جەنگە بکەن.
ژەنیڕاڵ مایکل مینیهان لە چەک ئاسمانی لە یادداشتیگ ناوخوەیی نویساگە، ک بینتاگۆن ئەو یادداشتە وە راسی دانا، وت: ئومێد خوازم هەڵە بووم، هەس دیرم لە ساڵ ٢٠٢٥ جەنگ کەیمن.
ئەو ئەفسەر سەربازیە وتیش: جین بینگ سەرۆک چین لە خود وەختەگە تیم و هاندەر و دەرفەت لە ساڵ ٢٠٢٥ دیرێد، و دووپات کرد ک هەڵوژاردن تایوان لە ساڵ ٢٠٢٤ دەسپیچگ ئەرا جویلەکردن دەێدە دەس سەرۆک چین.
هەمیش وت: لە خود ساڵەگە هەڵوژاردن ئەرا رەسین وە ماڵ چەرمگ ئەمریکا، دەرفەت ئەمریکایگ شیویای دەێدە وڵات چین.
ئەو ژەنیڕاڵ ئەمریکیە لەناو یادداشتەگە داوا لە هیزەیلی کرد لەبان ئی جەنگە راهینان بکەن.
