ميركڵ له بريار " قاپێ واز" په‌شيمان نيه
2017-08-27T19:00:00+00:00
شه‌فه‌ق نيوز/ ئه‌نجيلا ميركڵ راوێژكار ئه‌ڵمانى باس له‌وه كرد ك په‌شيمان نيه له برياره‌گه‌ێ له‌ساڵ 2015 له باره‌ێ وازكردن مه‌رزه‌يل وڵاته‌گه‌ێ له‌وه‌ره‌م سه‌دان هه‌زار له په‌نابه‌ره‌يل.
ميركڵ له باسيگ وه‌ل رووژنامه‌ێ فيلت ئيم زونتاج ئه‌نجامداين هه‌ر هه‌ڵه‌يگ خسته دروو ك په‌يوه‌س بدێ وه سياسه‌ت "قاپى واز" ك هه‌رچه‌نى ره‌سين يه‌ك مليۆن په‌نابه‌ريش له ماوه‌ێ دو ساڵ گوزه‌يشت ناكووكێ سه‌ختيگ له‌ناو حزبه‌گه‌يشێ دروس كردگه.
جى باسه، ميركڵ هه‌ميش وت: ئه‌گه‌ر رووژگار گله‌و بخوه‌ێد هه‌ر هه‌مان بڕياره‌يل 2015 ئه‌يه‌م وه هه‌مان شيواز، چوينكه بارودوخه‌گه جيا بوێ و منيش ئه‌و بڕياره دام ك باوه‌ڕم ئه‌وه‌سه له‌ڕوێ سياسى و ئنسانيه‌و راس و دروسه.
