مووشەکە چینیەگە لە ئاسمان چەکیەێد
![مووشەکە چینیەگە لە ئاسمان چەکیەێد](https://arcellabucket.fra1.cdn.digitaloceanspaces.com/media/arcella/1620543272429.jpg)
شەفەق نیوز/ دەسەڵاتەیل چینی وتن: پارچەیل مووشەکەگە کەفتنە ناوچەی هێڵ ریژی ٢٧،٤٧ پلە خوەرهەڵات و هێڵ پانی ٢،٦٥ باکوور.
وەگورەی تەلەفزیۆن فەرمی؛ مووشەک لۆنگ مارچ بی ٥ کەفتە بان دەریای عەرەو.
میدیایل راگەیانن چین نشان دان ک نشانەیل کەفتن پارچەیل مووشەکەگە کەفتنە ناوچەی باشوور خوەرائاوای هیند و سریلانکا.
وتنیش؛ پارچەیل مووشەکە چینیەگە کەفتنە ناو دەریای عەرەو و گشت پارچەیلی لەوەخت داوەزینی داغان بوین.
میدیایل راگەیانن فەرمی چین لە زوان ئەندازیاری ئاسمانی چینی وت: لە ساعەت ١٠:٢٤ شەوەکی وە وەخت پەکین (٢:٢٤ وەوەخت گرینچش) بەشەیلیگ لە مووشەکەگە هاتنە ناو تووکڵ زەوی و کەفتنە ناوچەیگ لە هێڵ دریژی ٧٢،٤٧ پلە خوەرهەڵات و هێڵ پانی ٢،٦٥ باکوور.
نوسینگەگە وتیش: فرەی پارچەیلی لە تووکڵ زەوی سزیان.