مووشەکیگ لە یەمەنەو ئەرا ناوڕاس ئیسرائیل

شەفەق نیوز/ سوپای ئیسرائیل، ئمڕوو یەکشەممە، راگەیان کە کەفتنە وەر پەلامار مووشەکی لە یەمەنەو ناوڕاس وڵاتەگە کردیەسە ئامانج.

سوپای ئیسرائیل لە بەیاننامەیگ وت: فیکەی هوشداری لە چەن ناوچەیگ لەناوڕاس ئیسرائیل کوتا، دویای روانگەکردن وەشیان مووشەک لە یەمەنەو، و دووپات کرد کە لە دەیشت ئاسمان ئیسرائیل نواگیری مووشەکەگە کریا.

ئی رویداوە لەناو بەرزەوبوین ژاوەژاو هەرێمی لە خوەرهەڵات ناوڕاس تیەێد، لەناو رخداری کاریگەری پەلامارەیل دەیشت سنووری وەبان ئارامی ناوچەگە.

لە وەخت دەسکردن وە جەنگ غەززە لە ٢٠٢٣، حووسییەیل گردنە خوو وەشانن مووشەک و فرۆکەیل ییفرۆکەوان وەبان ئیسرائیل کە ئویشن ئەرا پشتگیریکردن فەلەستینیەیل تیەێد.