مه‌سيحى و يه‌هوودى له‌لايه‌ن تونڕه‌وه‌يل ئسلاميه‌و كريانه‌ كافر

مه‌سيحى و يه‌هوودى له‌لايه‌ن تونڕه‌وه‌يل ئسلاميه‌و كريانه‌ كافر
2017-05-18T08:32:00+00:00

شه‌فه‌ق نيوز/ له‌ شوون لێدوانه‌يل شێخ سالم عه‌بدولجه‌ليل بريكار وه‌رين وزاره‌ت ئه‌وقاف ك مه‌سيحيه‌يل وه‌ كافر باسكرد و ديانه‌ته‌گه‌يان وه‌ گه‌ناته‌كارى تاريف كرد، سه‌له‌فيه‌يل له‌  هه‌ڵمه‌ته‌يل دعايه‌و لێدوانه‌يليان جه‌خت له‌و قسه‌يله‌كردن و وه‌رگرى له‌ لێدوانه‌گه‌ێ عه‌بدولجه‌ليل كردن.

 

له‌ى باوه‌ته‌و، سه‌له‌فيه‌يل ئه‌و وڵاته‌ له‌ به‌ياننامه‌يگ ئاشكراى لايه‌نگرى خوه‌يان كردن ئه‌را لێدوانه‌يل عه‌بدولجه‌ليل و مه‌سيحيه‌يل و يه‌هووديه‌يل وه‌ كافر دانه‌ قه‌ڵه‌م.

 

جى باسه‌، زويتريش سه‌له‌فيه‌يل داوه‌ته‌گه‌ێ ئه‌لئه‌زهه‌ر ره‌ته‌و كردن ك وت: باس له‌ ئايين و مه‌زه‌وه‌يل تر نه‌كه‌ن و داوايش كرد مه‌ردم واز بارن له‌ شيه‌وكردن بڕيگ له‌ ئايه‌ته‌يل قورئانى له‌ به‌رنامه‌يل ئايينى ته‌له‌فزيۆنى، وه‌لێ مه‌حمود لوتفى سه‌له‌فى فه‌تواده‌ر له‌ به‌ياننامه‌يگ ئه‌وه‌ ده‌رخست ك هه‌ركه‌سيگ قسه‌ وه‌ فه‌توايه‌يل سالم عه‌بدولجه‌ليل بكا زنديق و كافره‌ له‌ قورئان و بايه‌سه‌ له‌بانى ته‌وبه‌ بكا.

Shafaq Live
Shafaq Live