مه‌ردم حه‌له‌ب سه‌ردان ماڵه‌يليان ئه‌كه‌ن
2016-12-24T07:05:00+00:00
شه‌فه‌ق نيوز/ سه‌دان كه‌س له مه‌ردم شار حه‌له‌ب گله‌وخواردن ئه‌را شاره‌گه‌يان له‌وه‌ر سه‌ردان ماڵه‌يليان، يه‌يش دوياى ئه‌وه‌گ رووژ په‌نجشه‌ممه‌ى گوزه‌يشت وه ته‌مامى ئه‌و شاره چووڵ كريا.
له‌ى باوه‌ته‌و، ريكخرياگ چه‌وديرى مافه‌يل ئاده‌ميزاد سوورى له بريتانيا ك چه‌وديرى تون وتيژه‌يه‌يل ئه‌كا، وت: ئى سه‌ردانه له وه‌ختيگه ك به‌ش فريه‌يگ له مه‌ردم ئه‌و شاره له جه‌نگ قورتاريان بويه و ئيسه‌يش سه‌دان كه‌س له‌ليان سه‌ردان ماڵه‌يل رمياگيان ئه‌كه‌ن ئه‌را چشته‌يل تايبه‌ت خوه‌يان.
جى باسه، دويه‌كه جومعه فلاديمير بۆتن سه‌رۆك رووسى ئه‌وه ده‌رخست ك روسيا و ئيران و توركيا و سوريا رازى بوينه وه سازكردن كۆنگره‌يگ ئاشتى له ئه‌ستانه‌ى پايته‌خت كازاخ وه مه‌رام چاره‌سه‌ركردن ناكووكيه‌يل سوريا.
