مزگانی لەباوەت ڤایرۆس کۆڕۆنا.. وەلێ هیمان هەسەی
ئەدهانۆم گیبریسوس سەرۆک ریخریاگ تەندروسی جەهانی لە کۆنگرەیگ رووژنامەوانی وت: کارە خاسەگە ئی داوەزین وەردەوامە لە مردنەیل وە کۆڤید-١٩ ک رەسیە ٩٥ لەسەد لە سەرساڵ تا ئیسە، و دیاری کرد ک لەبان ئەوەیش، بەشیگ لە دەوڵەتەیل مردنیان زیای بوود، و لە ماوەی چوار هەفتەی گوزەشتە، ١٤ هەزار کەس وەی بیماریە مردنە.
هوشداری لە دەرکەفتن ئاڵشتبوی XBB.1.16 کرد، ک نشان دەێد ڤایرۆسەگە هیمان ئاڵشت بوود، و هیمان توەنێد شەپوول نوو دروس بکەێد.
ماریا ڤان کیرخۆف خانمە هونەری بەرنامەی فریاکەفتن لە ریخریاگ تەندروسی جەهانی وت: ئیسە بنچینەی XBB لە گشت جەهان زاڵەو بویە، وتیش: ئی ئاڵشتبویە توانای ئەوزەڵکردن و مەقەزبوین لە وەرگری لەش دیرن، واتە ئەوانەگ تویش هاتنە جاریگتر تویش تیەن ئەگەر واکسینیش بردنە.
داوای زیایکردن تاقیکردن تا بتوەنن چەودیاری ڤایرۆسەگە بکەن و لەی ئاڵشتبویەیلە بفامن.
تیدرۆس دووارە دووپات کرد ک ریخریاگ تەندروسی جەهانی هیمان ڕومید راگەیانن کۆتایی هاتن وە کۆڤید-١٩ دیرێد، م بڕیارە ئەو دەسە ک راپۆرتەیل پیشکەش کەێد لە مانگ ئایندە گردەو بوود.
وتیش: ئی ڤایرۆسە دروس کریاگە تا بمینێد، و گشت وڵاتەیل خوازن هوکارە بوون چوین وەگەردی رەفتار بکەن وەگەرد ئەو پەتایل.
