مردگەیل کۆڕۆنا لە ٣٠٠ هەزار رەدکەن.. وئەمریکا ها لە نوای گشت

شەفەق نیوز/ رێژەی مردگەیل ڤاێڕۆس کۆڕۆنا رەسیە ٣٠٢،٤٨٩ کەس لە جیهان، وزیاتر لە ٤،٤٥٤،٠٩٠ تویشهاتگ، وخاسەوبەی لەوەخت بڵاوبوین پەتای کۆفید-١٩ ، لە کانون یەکەم، لە ووهان لە چین تا ئمروو ١،٥٥٤،٥٠٠ کەسه‌ لە ١٩٦ وڵات. بەڵکم ئی هەژمارەیلە تەنیا بەشیگ لە تویشهاتگەیل گشتی دیار کەن، چوینکە بڕیگ لە وڵاتەیل تاقی نێکەن ئەرا ئاشکراکردن تویشهاتگ تەنیا لە هاڵەتەیلیگ ک بخوازێد تویشهاتگەیل رەوانەی خەسەخانە بکریەێد.
ئی رێژە لەبان بنەمای بەیاننامەیل نوسینگەیل و ئاژانسەیل فەڕەنسا و لە لاین دەسڵاتەیل نیشتمانی تایبەت دانریاس، وه‌گویره‌ی ئه‌و زانیاریەیەله‌ ك رێکخراو تەندروسی جیهانی بڵاوی کردوێد.
ئەمریکا لە پلەی یەکەم جیهانی هات وە بەرزترین رێژە چ لە مردن و چ لە تویشهاتگ، وە رەسینی ئەرا ٨٥،٩٠٦ مردگ، لە شان ١،٤١٧،٨٨٩ تویشهاتگ، و ٢٤٦،٤١٤ خاسەوبوی.
دەوڵەتەیل فرەترین زەرەدمەن لە پەتاگە دویای ئەمریکا، بەریتانیا ٣٣،٦١٤ مردگ، وه‌ڵ٢٣٣،١٥١ تویشهاتگ ، ئیجا ئیتالیا ٣١،٣٦٨ مردگ، و ٢٢٣،٠٩٦ تویشهاتگ، ئیسپانیا ٢٧،٤٥٩ مردگ، و ٢٣٠،١٨٣ تویشهاتگ، ئیجا فەڕەنسا ٢٧،٤٢٥ مردگ، لە ١٧٨،٨٧٠ تویشهاتگ.
رێژە فەرمیەگە لە چین (بیجگە ماکاو و هۆنگ کۆنگ ) ک لانەی سەرەتایی پەتاگەس، بویە ٤٦٣٣ مردگ لە ٨٢،٩٣٣ تویشهاتگ، دویای ٤ تویشهاتگ نوو ناوبەین پەنجشەممەو جومعە، و ٨٧،٢٠٩ خاسەوبوی.
لە ئاست کیشوەری و ناوچەیی، رێژەی مردگه‌یل وەشیوەیگ ریژەیی تا ساعەت ١١:٠٠ (ک گ) ئەرا ئمڕوو جومعە وەی جوورە بوی:
ئۆڕوپا ١٦٣،١٢٨ مردگ، لە ١،٨٣٩،٦٥٧ تویشهاتگ.
ئەمریکا و کەنەدا ٩١،٤٨٩ مردگ لە ١،٤٩١،٢٩٠ تویشهاتگ.
ئەمریکای لاتینی و کاریبی ٢٥،٦٦٢ مردگ لە ٤٥١،٥٥٦ تویشهاتگ.
کیشوەر ئاسیا ١١،٥٨١ مردگ لە ٣٣١،١٩٤ تویشهاتگ.
خوەرهەڵات ناوڕاس ٧،٩٥٦ مردگ لە ٢٥٦،٩٦٠ تویشهاتگ.
ئەفریقیا ٢،٥٥٤ مردگ لە ٧٥،٠٧٨ تویشهاتگ.
ئۆقانوسیا ١٢٦ مردگ لە ٨٣٦٣ تویشهاتگ.