٣٤ مردن و سەدان زەخمداربوین لە زەویلەرزەی تونیگ لە ئەندنوسیا
شەفەق نیوز/ ئمڕوو جمعە، ٣٤ کەس لەلای کەمەو مردن و سەدان زەخمدار لە زەویلەرزەیگ وە هێز ٦،٢ پلە داگە دوورگەی سۆلاویسی لە ئەندنوسیا، ک دویای رمانن چەن بینایگ دانیشتوەگان لە رخیان پەنا وە شوونەیلیگ تر دان.
گرتە ڤیدیۆەگان لەبان ماڵپەڕەیل پەیوەندیە کۆمەڵایەتیەگان نشان دانیشتوەیلیگ دا وەکووڵ ماتۆڕسکڵ وەرەو بەرزایی وان، و هەمیش مناڵیگ نشان دەن لەناو کەلاوی رمیاگیک گیر هاتگە و مەردمەگە دیرن وەدەس ری ئەرای واز کەن.
دانیشتوەگان تا ماوەی ٧ چرکە هەست وە زەویلەرزەگە کردن، بەڵکم لەرزەگە نەویە هووشداری لە شەپۆلە بەرزەگان ( سۆنامی) ، ک دویکورینا کارناواتی وەرپرس ئاژانس رەوانگەی کەشەوهەوا و جیۆفیزیا لە ئەندنوسیا لە کۆنگرەیگ رۆژنامەوانی وت: شایەت لەزرەیل هەلتەرەزان وەهێزیگ لە شوون ئەیە بوود، وتیش: لە دویای نیمەڕو پەنجشەممەو لای کەمەوە ٢٦ لەرزەی وەهێز لە ناوچەگە بویە.
