مردن وەزیر وەرین دەرەوەی ئەمریکا هێنری کیسنجەر لە تەمەن 100 ساڵی

دەزگای  راوێژکاری لە بەیاننامەیگ وت، کیسنجەر لە سەردەم هەردگ سەرۆک ریتشارد نیکسۆن و جبرالد فۆرد وەزێر دەرەوە بویە، رۆلیگ گرنگ داشتیە لە دبلۆماسیەت مەوقەی جەنگ سەرد و "ئمڕوو پەنجشەممە لە ناو ماڵەگەی لە ولایەت کونیتیکت کووچ دویایی کرد".

کسنجەر لە باشوور ئەڵمانیا لە ساڵ 1923 لە داڵگبویە، باوگی مامووسا بویە، و لە خێزان نازیەگان بویە، لە ساڵ 1938 ئەرا ئەمریکا هاتیە، وەپای دەزگای  راوێژکاری.

وتیش، لەدویای ئەوەگ لەساڵ 1943، بوودە هاوڵاتییگ ئەمریکی لە تیپ سوپای چل و هەشت خزمەتکەێد لە ساڵ 1943 تا 1946، لەوەز خزمەتکردنیگ شایستە مەدالیای برۆنز وەرگرێد، لەدویای ئەوە پەیوەنی وە بەڕەنگاربوین هەواڵگێری کردیە لە ئەڵمانیا تا ساڵ 1959".

کیسنجەر دەسکردە  نزیکەوکرد ناوەین واشنتۆن وەگەرد مۆسکۆ و پەکین لە هەفتاگان سەدەی گوزەشتە، لە ساڵ 1973 جویر هەقەلای ئاشتیانەی لەمەوقەی جەنگ ڤێتنام، خەڵات ئاشتی وەپی بەخشریا وەگەد لی دوگ سوو ڤێتنامی.

کیسنجەر تا مردنی لە گۆرەپان سیاسەت ناودەوڵەتی کارکرد هەرگیز لە گەشتکردن و دیدار وەگەرد سەرکردەیل جەهان نەوسیاگە، لە کۆتایش سەرۆک چین بوی شی جیۆبینغ لە تەمووز گوزەشتە لە چین چەوەی وەپی کەفت.