مردن و زەخمداری نزیکەی 40 کەس وە تەقینەوەیگ لە خوەرئاوای تورکیا
2024-06-30T16:21:48+00:00
شەفەق نیوز/ وەزارەت ناوخوەی تورکیا، ئمڕوو یەکشەممە، مردن و زەخمداری 39 کەس راگەیان وە تەقینەوەیگ لەناو چێشتخانەیگ لە ولایەت ئزمیر خوەرئاوای وڵاتەگە.
وەزیر ناوخوەی عەلی یەرلی قایا لە پۆستیگ لەبان پێگەی "ئێکس" راگەیان تەقینەوەیگ لە چێشتخانەیگ لە قەزای توربالی لە ئیزمیر رویدایە، هاتێ لە ئەنجام تەقیان بوتڵ غاز بوود، وەپای زانیاری سەرەتایەگان.
وتیش، تیمیگ قورتارکردن و فریاکەفتن ئەرا شوین رویداوەگە کلکردنە، و دەرچگە تەقینەوەگە لە ئەنجام چوار کەس کوشتیە و 35 کەسیش زەخمدارکردیە.
دووپاتکرد لێکۆڵینەوە لە رویداوەگە وەردەوامە، مەردم لە دویا زانیاریەیل خەوەردار کریەن.
یرلی قایا ڤیدیۆی کامیراگان بڵاوکردیە کە چرکە سات تەقینەوەگە دەرخێد.
