٧ مردن و ٤٨ تووشهاتن نوو وە کۆڕۆنا لە باکوور و خوەرهەڵات سوریا
![٧ مردن و ٤٨ تووشهاتن نوو وە کۆڕۆنا لە باکوور و خوەرهەڵات سوریا](https://media.shafaq.com/media/arcella/1608110508464.jpg)
شەفەق نیوز/ دەزگای تەندروسیی لە ئیدارەی سەروەخوەی لە باکوور و خوەرهەڵات سوریا، ئمڕوو چوارشەممە، راگەیان تۆمارکردن هەفت مردن لە تووشهاتگەیل کۆڤید-١٩ لە باکوور و خوەرهەڵات سوریا.
خانمە دکتۆر جوان موستەفا هاوسەرۆک دەزگای تەندروسی لە ئیدارەی سەروەخوەیی دیاریکرد ک مردنەگان دوو پیاو لە شەهبا و سێ پیاو لە قامیشلۆ و حەسەکە و عامودا بوین و دوو ژن لە قامیشلۆ و شەهبا.
جوان وتیش؛ ٤٨ تووشهاتن نوو وە کۆڕۆنا تۆمار کردنە ٢٤ پیاو و ٢٤ ژن.
تووشهاتنە نووەگان وەیجوورە لە شارەگتن بەشەوبوون؛ حەسەکە ٤، قامیشلۆ ٣ ، دێرک ٧، رمێلان ١، کەرکی لەکی ١، تربە سپێ ١، ریققە ٦، تەبەقە ٦، مەنبجە٤ ، کۆبانی ٢.
وتیش؛ ٩ خاسەوبوین نوو تۆمار کریاگە.
وەیەوە، ژمارەی تووشهاتنەگان وە ڤایڕۆسەگە لە ناوچەیل ئیدارەی سەروەخوەیی رەسیە ٧٥٨١، ٢٤١ لەلیان مردنە، و ١٠٨٧ خاسەوبوینە.