مردن ٨ کەس لە ئیران لەوەر نووشین مەی دەسکرت
![مردن ٨ کەس لە ئیران لەوەر نووشین مەی دەسکرت](https://media.shafaq.com/media/arcella/1651667222964.jpeg)
2022-05-04T12:28:00+00:00
شەفەق نیوز/ هەشت کەس لەلای کەمەو دویای نووشین مەی دەسکرت خراو گیانیان لەدەسدان، وەگورەی راگەیانن خانمە قسەکەر زانکۆی هرمزکان.
فاتمە نەوروزیان قسەکەر زانکۆگە وت: هەشت کەس دۊای نووشین مەی خراویگ ک لەماڵ دروسکریاگە، لە بەندەر عەباس ناوەند پارێزگای هرمزكان گیانیان لەدەسدان.
ئاژانس ئیرنا لە زوان نەوروزیان وت: ٥٩ کەس ژەهراوی بوین وە نووشین مەی لە شارەگە.