مردن سێ کەس و زەخمداری سەدان کەس وە خوەڵوتووز لە ئیران
2023-09-23T07:36:06+00:00
شەفەق نیوز/ دەزگایەیل راگەیانن ئیران خەوەردان لە مردن سێ کەس لەلای کەمەو و سەدان کەس لەژیر چەودیاریکردن پزیشکی بوینە لەوەر گەردەلویلیل خوەڵاوی کە پارێزگای سیستان و بلوجستان باشوور خوەرهەڵات ئیران گردیە، لە دویەکە ئیوارەی جومعە زیاترەوبویە.
ئاژانس فەرمی ئیرانی "ئێرنا" لە زوانی وەرپرس وەڕیوبردن قەیرانەیل پارێزگاگە مەجید موحبی، راگەیان لە ماوەی ئێ هەفتە سێ کەس گیان لەدەسدان وە مدوو ئەو رویداوەیلە لەوەر داوەزیان مەودای نووڕستن.
وەپای وەرپرسەگە لە ماوەی سێ رووژ گوزەشتە " 1346 کەس دەسمیەتی پزیشکی وەرگردنە وەلایەن خەسخانەیل و بنکەیل تەندروسی".
وتیش، گرفتە تەندروسیەگان زیاتر بیماریەیل دەزگای هەناسداین و دڵ و چەو گردیەسەو.
وەپای کەشناسی مەزەنەکریەێد ئی وا تونە و گەودەلویل خوەڵاویە ماوەی چەن رووژیگ وەردەوام بوود.
