مردن سەربازیگ ئەمریکی وەرجە ٢٠ ساڵ لە عراق زەخمدار بویە

شەفەق نیوز/ ئاژانس ئەسوشیتید پرێس ئەمریکی، ئمڕوو پەنجشەممە، وت: سەربازیگ ئەمریکی لەوەر زەخمەیل قویلەی ک وەرجە ٢٠ ساڵ لە جەنگ عراق تویش هاتیە، ئمڕوو گیانی لەدەسدا.

سەرباز جۆل گومیز (٤٢ ساڵە) کەفتە گەرد کاروان ٤٤٠٠ سەرباز ئەمریکی لە ساڵ ٢٠٠٣ لە عراق کوشیانە، و رسوومەیل وەخاکسپاردن سەربازی لە شار پەلینۆی ئەرای کریا.

ڕاپۆرتە ئەمریکیەگە وت" گومیز زیان لە هەوکردن سویە و گیچەڵ گورچگ لە دویای گڵووڵەی چوار پەلی دیاد، دویای ئەوە ک وەرجە ٢٠ ساڵ لەناو جەنگ زەخمدار بوی.

ساڵ ٢٠٠٤، پشت گومیز لە دوو شوینەو شکیا، هەنای ماشینە قەڵغانیەگەی کەفتە ناو چەم دیجلە، لەناو ئەرکیگ سەربازی ئەرا دەسگیرکردن چەکدارەیلیگ.