مردن سەرۆک وەزیران وەرین وڵات میسر
2021-03-31T11:23:39+00:00
شەفەق نیوز/ کەمال جەنزوری سەرۆک وەزیران وەرین وڵات میسر، لەتەمەن ٨٨ ساڵان دویای ململانەی دریژیگ وەگەرد بیماریەگە، ئمڕوو چوارشەممە، کۆچ دویایی کرد.
ئەنجومەن وەزیران میسر لە کۆبونەوەگەی ئمڕوو چوارشەممە، وە سەرۆکایەتی موستەفا مەدبولی پرسەی جەنزوی کرد و ئەنجومەنەگە یەک خولەک بیدەنگی ئەرا گیان جەنزوری وسیا، و باس لە رێزگردن میسر ئەرا دەور نیشتمانیی لە ماوەی ساڵەیل کار حکومەتی دریژی کرد.
جەنزوری دویای ململانەیگ وەگەرد بیماریەگە لە خەسەخانەی هێزە ئاسمانیەکان لە قاهیرە مرد.
جەنزوری لە ماوەی نەوەتەکان لە سەردەم حوسنی موبارەک سەرۆکایەتی وەزیران وەرگرد، ئیجا لە دویای شۆڕش ٢٠١١ ک موبارەک رمان، ئەرا ماوەی کەمیگ لە پۆستەگە بوی.
