مردن سەرۆککۆمار و وەزیر دەیشت ئیران لەئەنجام وەخوارکەفتن هیلیکۆپتەر.. وینە

 ئاژانسەگە وتیش: وەگورەی زانیارییە وەردەسەیل، سەرۆک وڵاتەگەمان و شاند یاوەری پلەی باڵای شەهادەت وەدەس هاوردن.

 جی باسە حسێن ئەمیر عەبدوڵلاهیان وەزیر دەیشت ئیرانیش لە هیلیکۆپتەرەگەی سەرۆک کۆمار ئیران بوی، بیجگە لە محمد عەلی ئەلهاشم نوێنەر ریبەر ئیران لە پارێزگای ئازەربایجان خوەرهەڵات و مەلەک ڕەحمەتی پارێزگار ئازەربایجان خوەرهەڵات و تیم هیلیکۆپتەرەگە .

 وەگورەی میدیایل ناو ئەو کەسەیلە لە فڕۆکەگەی سەرۆک کۆمار ئیران بوین یانەن:

 1- ئایەتوڵلا ئیبراهیم ڕەئیسی

 2- ئایەتوڵلا سەید محمد عەلی ئەلهاشم

3- د.  حسێن ئەمیر عەبدوڵلاهیان

 4- د.  مالک رەحمەتی 

 5- سەردار سەید مەهدی موسەوی

 6- کەس (نەناسریای)

 7- فڕۆکەوان (نەناسریای)

 8- شاگرد فڕۆکەوان (نەناسیای)

 9- (نەناسراو)

 سەرۆک مانگ سوور ئیران، شەوەکی ئمڕوو دووشەممە راگەیان جیماگەیل ئەو کۆپتەرە کە ئیبراهیم ڕەئیسی سەرۆک کۆمار ئیران و شاند یاوەری هەڵگردوێد لە پارێزگای ئازەربایجان خوەرهەڵات لە باکوور خوەرهەڵات ئیران پەیا کریا.

 هێلیکۆپتەرەگی ڕەئیسی لە پارێزگای ئازەربایجان خوەرهەڵات کەفتە خوارەو، لە رەوش کەشوهەوای بەدیگ.