مردن دویەتەگەی میترۆی ئیران لەدویای مانگیگ لەناو کۆما مەنن
ئاژانس "بەرنا" پەیوەنیدار وە وەزارەت گەنج و وەرزش ئیرانی راگەیان، " دویەتە خوەنەوار ئارمیتا گراوەند (دانشتگ) تەهران وەرجە ساعەتیگ مرد لەدویای چارەسەرکردن پزیشکی خەسیگ و رەدبوین 28 رووژ وەبان چگنە ناو خاسنە لەبەش چەودێری تایبەت".
رێکخریاگ یاسایی هەنگاو لە پەنج تەشرین یەکەم راگەیانبوێد، ئەرا پێگەی "الحرە"ی ئەمریکی هویردەکاری فرەیگ راگەیاندبوی، لەباوەت رویداو دەسدرویژی کردنە بان گراوەند لەناو یەکیگ لە وێستگەیل میترۆیەیل لە تەهران.
رێکخریاگەگە لە سەرچەوەیگ بەڵگەیی پەیوەنیدار وە خیزان دویەتە گەنجەگە 16 ساڵانەگە راگەیانبوێد، " وەرجە ئەوەگ بڕەسێدە وێستگەی میترۆ شەهیدان، ئەفسەرەیل پۆلیس رەوشت نزیکەوبوینە لەلی، و داوای خاسەوکردن روسەریگەی کردنە".
وتیش: " داواکاریەگە رەسیەس ئەرا مەرافە وەگەرد ئەفسەر پۆلیس رەوشت، ئەوانیش دەسدرویژی وەبان ئارمیتا کردنە، و دەڵەکی دانە بویەسە مدوو وەخوارکەفتنی.
وتیش: "لەدویای ئەوە مەرافەگە توەنستیە بچێدە ناو میترۆ باوجی دویای ئەوە کەفێد" ئاشکەرایکرد" چیەسە ناو کۆما و لەژیر کۆنترۆلکردنی ئەمنی تونیگ بویە".
دووپاتکرد " ئەفسەرەیل پۆلیسە ژنەیل لەوەر پابەندنەبوین وە حیجاب ناچاری پەلامار ئارمیتا دانە".
لەوەرانوەریش، دەسڵاتدارەیل ئیرانی رەدیکەن هویچ مەرافیگ لەناوەین ئەو دویەتە و ئەندامەیل دەزگا فەرمیەگە ببوی، دووپاتکردنە لەوەر داوەزین فرەیگ پەستان خوینی لە هووش خوەی چیە.
