مردن 68 کووچبەر و بیسەروشوینبوین 74 کەس لە کناراوەیل یەمەن
شەفەق نیوز ـ چەودێری
رێکخریاگ ناودوڵەتی کووچ سەر وە وڵاتە یەکگرتگەیل، ئمڕوو دووشەممە، مردن 68 کووچبەر ئەفریقی و بیسەروشوینبوین 74 کەس ترەک راگەیان، وە مدوو پلیان بەلەمەگەیان لە ئاو کناراوەیل یەمەن.
سەرۆک نوێنەرایەتی رێکخریاگ ناودەوڵەتی کووچ لە یەمەن عەبدولستار ئیسویف وە ئاژانس ئەسیوشید پرێس، راگەیان بەلەمەگە 154 کەس کووچبەر ئەسیوبی وەبانی بویە، دویەشەو یەکشەممە، پلیایە لە کناراو پارێزگای ئەبین باشوور یەمەن.
ئیسویف ئاشکرایکرد، تەنیا 12 کووچبر لە رویداوەگە قورتاریان بویە، و شەپوولەیل تەرم 54 کووچبەر ئەرا کناراوەیل وەرێوەبەرایەتی خنفر هاوردیە و 14 ترەک لە شوینە جیاوازەیل مردنە، تەرمەیلیان ئەرا یەکیگ لە خەستەخانەیل کلکریانە.
سەرچەوەیگ لە پۆلیس ئەبین وە ئاژانس فرانس پرێس راگەیان، "بەلەمەگە وەرەو کناراوەیل پارێزگاگە چگە" دیاریکرد "بەلەمەیل قاچاخ وە وەردەوامی رەسێنە ناوچەگەمان و وەدەس ئێ دیاردەوە ناڵیمن".
