مردن 25 کووچبەر لە نقومبوین بەلەمیگ وەرانەور کناراوەیل یەمەن
شەفەق نيوز- سەنعا
25 کووچبەر لەلای کەمەو، ئمڕوو یەکشەممە، گیانیان لەدەسدان، و کەسەیلیگ ترەک هیمان بیسەروشوینن، لە ئەنجام نقومبوین بەلەمیگ وە دەیان کووچبەرەو وەرانەور کناراوەیل پارێزگای ئەبیەن باشوور یەمەن.
وەگورەی وەرپرسەیل و سەرچەوەیل ئەمنی، ئەو بەلەمە کە مەزەنە کریەێد دەیان لە کووچبەرەیل ئەفریقایی هەڵگردوێد، فرەیان ئەسیوپی بوینە، شەفەق ئمڕوو، لەوەر بەدی کەشوهەوا و وای تون وەرانوەر کناراوەیل وەڕیەوبەرایەتی ئەحوەر لە پارێزگای ئەبیەن باشوور یەمەن لەبان دەریای عەرەب نقومبویە، وەقسەی ئاژانس رۆیتەرز.
سێ وەرپرس لە دەسەڵاتەیل ناوخوەیی لە پارێزگای ئەبیەن وتن: 25 تەرم تا ئیسە لەناوەین کناراوەیل زەنجبار و شەقرە لەبان دەریای عەرەب دەرکریان.
وتنیش: تەقەلایەیل دراوردن تەرمەیل وەردەوامە هەرچەن سەختی و کەمی ئامرازەیل هەس، بیجگە بەرزەوبوین شەپوولەیل.
ریخریاگ ناودەوڵەتی کووچبەری ئویشێد: هەمان یەمەن زیایبوین گەورەیگ لە شمارەی کووچبەرەیل نایاسایی وەخوەی دوینێد کە لە ئەفریقاو تیەن.
وتیش: رەسین زیاتر 37 هەزار حزوچەیر ئەرا یەمەن لە یەکەم چارە ئی ساڵە توومار کردگە، کە لە گشت ساڵ 2024 لە 60 هەزار زیاتر بوینە.
