ئەمریکا: لە ئەنجام گەردەلویل تونیگ ١٨ کەس گیان لەدەسدانە و سەدان کەسیش زەخمدارن
2024-05-27T14:12:42+00:00
شەفەق نیوز لە ئەنجام ئەو زریانە تونەیلە لە ویلایەت تەکساس، ئۆکلاهۆما و ئارکانساسی ئەمریکا گردیەسەو، لەلای کەمەو ١٨ کەس گیانیان لەدەسدانە و سەدان کەسیش زەخمدار بوینە.
زریانەیل ویرانکاری فراوانیگ لە سێ ویلایەتەگە لەلی بویەو، ماڵ و وێستگەیگ بارهەڵگر ویران کرد کە رانندەیل پەنا ئەرای بردوێن لە مەوقەی دویاترین هەڵاوسان خویناوی کەشوهەوا کە ناوڕاس ئەمریکا گردەو.
شەو شەممە گەردەلویلیگ لە ناوچەیگ ئاواینشین نزیک لە ویلایەت تەکساس لە نزیک سنوور ئۆکلاهۆما هەفت کەس گیان لەدەسدان.
لە وەختیگ ٥ کەس لە ویلایەت ئارکانساس و دوو کەس لە ئۆکلاهۆما و کەسیگ لە کێنتاکیی کوشیان.
وەگورەی خەوەرد ئاژانس ئەسۆشێتد پرێس، کارەبای دەیان هەزار دانیشتگەیل ئەو ناوچەیلە بڕیاس.
