ئەمریکا فرۆکەیل جەنگی وە ئاراستەی ئیران کلکەێد

شەفەق نیوز/ رووژنامەی Washington Postراگەیان، وڵاتەیل یەکگرتگ لە دویای ئەو خەوەرەیلە ک ئیران ئامادەکاری کردیە ئەرا پەلامارداین سعودیە، فرۆکەیل جەنگی وە ئاراستەی ئیران کلکەێد.

رووژنامەگە ئاشکرا نەکردیە، وە دیارکریاگی وڵاتەیل یەکگرتگ کەی ئی فرۆکەیلە کلکردنە.

وتیش: هەنای راپۆرتەیل هەواڵگیری لەی دویایە هوشداریدان لە پەلامارەیل وە موشەکەیل بالیستی و درۆنەیل ئیرانی ک شانشینەگە کردیەسە ئامانج، فەرماندەیی ناوەندی ئەمریکا فرۆکەیل جەنگکەر لە ناوچەی کەنداو عەرەبی وە ئاراستەی ئیران کلکرد، جویر بەشیگ لە ئامادەباشی گشتی هێزەیل ئەمریکا و سعودیە".

رووژنامەگە وتیش، کلکردن ئی فرۆکەیلە بەڵگەس ئەرا قایمی و گرنگی هاوبەشی ناوبەین ئەمریکا و شانشین سعودیە.