ئەمریکا بەرزترین ریژەی تەقەکردن ناو مەردم وەماوەی ٢٣ رووژ توومار کەێد
وەگورەی راپۆرتیگ وەلایەن میدیایل راگەیانن ئەمریکا، نزیکەی ٣٦ رویداو تەقەکردن لەناو مەردم لە ١٧ ویلایەت ئەمریکی توومار کریاگە، ک باس تەقەکردن لە مۆنتری پارک لە ویلایەت کالیفۆرنیا کرد، ک رەسیە کوشیان ١١ کەس لە رووژ شەممە، جویر سەختترین پەلامار لە دویای کوشتارەگەی یوفاڵدی لە ئایار ٢٠٢٢.
راپۆرتەگە وتیش: رویداوەیل تەقەکردن وە شیوەیل جیاواز ئەنجام دریەن، و وەلایەن تاکە کەسەیل یا بڕیگ کەس جیوەجی کریەن، ئەرا پاڵپشتیکردن ئامانجەیلیگ باوەڕی لە کاریگەری ناوخوەیی چ وە سرووشت سیاسی بوود یا ئاینی یا کۆمەڵایەتی یا رەگەزپەرسی.
راپۆرتەگە وتیش: ئەمریکا بەرزترین ئاست کوشتن وە گولە لە جەهان پیشکەفتگ دیرێد، ک رەسێدە نزیکەی ٤ کوشتن لە هەر سەد هەزار کەس، ک ١٨ قات ریژەی ناوڕاسیه لەناو ئەو دەوڵەتەیل پیشکەفتگ.
لە پشوو کۆتایی هەفتە، کابرایگ چەکدار لە باشوور کالیفۆرنیا لەناو جادەی ڤیستواڵیگ وە ئاهەنگ ساڵ مانگی نوو تەقە لە مەردم کرد، و بویە هوکار کوشیان ١١ کەس و زەخمداری ٩ کەستر.
ئەو چەکدارە لە شوین رویداوەگە وای، و دەسەڵاتەیل لەناو ماشینیگ ڤان لە شاریگ شان شار رویداوەگە وە مردگی پەیای کردن.
