ماى و ماكرۆن ريككه‌فتن له‌باره‌ێ جواودانه‌وه‌ى ره‌وشت روسيا
شه‌فه‌ق نيوز/ نوێنه‌ر نويسينگه‌ى سه‌رۆك وه‌زيره‌يل بريتانى، ئاشكراى ئه‌وه كرد ك تيريزا ماى سه‌رۆك وه‌زيره‌يل و ئيمانۆيل ماكرۆن سه‌رۆك فره‌نسى ريككه‌فتنه له‌بان وه‌رده‌واميداين كار وه‌يه‌كه‌و له‌وه‌ر جواودانه‌وه‌ى ره‌وشت دوژمنانه‌ێ روسيا جوور ئه‌وه‌گ خوه‌يان تاريفى كردن.
نويسينگه‌ى ناوبرياێ له به‌ياننامه‌يگ ئه‌وه ده‌رخست ك سه‌رۆك وه‌زيره‌يل بريتانى و سه‌رۆك فره‌نسى باس له دويا روێداگه‌يل كردنه له‌بان بارودوخ له‌باره‌ى ئه‌و روێداگه ك كه‌فته‌و له 4 مارس له سالزبورى و يه‌يش ده‌رخست ك ئه‌گه‌ره‌يل فريه‌يگيش هه‌س ك روسيا وه‌رپرسه له‌بان ئه‌و كاره‌يله دژ سيرغى و يوليا سكريبال.
جى باسه، به‌ياننامه‌گه باس له‌وه‌يش كرد ك هه‌ردوگلا باس شيوازيگ فراوان له ره‌وشت دوژمنكارانه‌ى روسيا كردنه‌و ريككه‌فتنه له‌بان ئه‌وه‌يش ك وه‌جه‌مه‌و وه‌ل هاوپه‌يمانه‌يل جواو ئه‌و ره‌وشتيه‌يله ئه‌دريه‌ێده‌و.
