مامووستایگ میسری ژنەگەی خوەی وە قەیچی کوشێد
شەفەق نیوز/ میدیایل راگەیانن میسری، ئمڕوو دووشەممە، باس مامووستایگ میسری لە پارێزگای قلیوبیە کردن، ک ژنەگەی خوەی وە چەقو کوشتیە، ئەوەیش دویای مرافەیگ لەبان خەرجی ماڵەگە.
میدیایل وتن: دەسەڵاتەیل لە پارێزگاگە لە باکوور قاهیرە، ئاگاداری لە پەیاکردن تەرم ژنیگ لەناو ماڵیگ وەرگردن، ک ەخوەین خوەی خەڵپانە، و زەخم چشت تیژیگ وەلەشی بویە، ودەرکەفت ک قوربانیەگە لە ئیوەتکردن مناڵ کار کەێد، و شویەگەی ک مامووستاس دەسی هاناو کوشتنی، و دەسەڵاتەیل توەنستن دەسگیری بکەن.
وتیش: شویە توومەتبارەگە ئاشکرای تاوانەگەی کرد، و ئەو قەیچیە لەلای بوی ک تاوانەگە وەپی جیوەجی کردیە.
میدیایل راگەیانن وتنیش: لێکۆڵینەوەی پۆلیس ئەوە ئاشکرا کرد ک شویەگە لەوەر ئەوە ژنەگەی کوشتیە ک رازی نەویە پویل لە خەرج ماڵەگە وەپی بیەێد، ک بویەسە مرافەیگ، و قەیچییگ کەفتیەسە دەس، وەپی ژنەگە کوشتیە.
